- 1月3日 -

返7收2.都冇咩野做.收工即時回家訓覺...

返工上..唔同公司既做法真係好唔同..真係要適應一下.

真係要放底170果套了.

愈係對我嚴厲.只會使我更強!我要強到你地冇話可說!

感情上.對佢感覺愈來愈強烈.

昨晚同大君,文員玲傾下呢方面.

一開口就話估唔到我鐘意呢個女仔.

但係感情既野.唔到我控制.呢個女仔都真係幾好麻..

問題真係估唔到呢個女仔諗D咩...有時間真係想同佢傾多D計..

努力點吧!謝尚偉!

- 1月1日-

由於尋日BBQ + 通頂麻將.今日訓到12點..

約左妹姐, 阿玲, 小燕同埋芳姨佢地飲茶..

傾左好耐.因為真係好耐冇見...仲食到好飽..

食完出左MK. 拎返返工鞋同埋帽..同大君吹左一陣..

再去沙田..之前買左條褲而家先拎.因為IKEA開左一排..

一直都好想去..但今日死BB唔出來..自己行左一陣..真係幾好feel.

睇中一D野..不過真係要車幫手..好難拎架麻..(識做啦)

返到屋企..抖左陣.睇下叱吒..勁多唔識既人.係咪我out左呢?!

好耐冇試過呢種感覺..左思右想..但係..希望可以吧!

- 12月26日-

Boxing Day 約左班老死..一早起BB屋企打麻將..呵呵.

又叫pizza食..真係好耐冇食過..

打到6點幾就出門口.今日book 左中環一間restaurant - 銀杏館

搵左陣先搵到..入去既氣氛唔錯.感覺幾好.可以係傾計,慢慢食既地方.

個waiter講左一大輪野.成本menu都講曬咁,十分detail..

最後叫左4個SET.食住先啦.一路影外相,傾下4月既日本東北之旅.

食下食下.食左2個幾鐘.都OK好食既.我比較著重食野既氣氛,最衰我唔飲酒啦..

埋單都係每人2百多DD.真係平到呀..有機會一定再去~

食飽飽過左TST影相..影左唔係好多..有D都幾唔滿意..影得唔係咁好..

下次一定要影得靚D..返屋企刨多D書..

最後同BB 2個去左佐敦搭小巴回家.

- 12月19日-

而家係凌晨2點50分..其實都成個月冇打日記..

有時影好曬D相..但又好懶..訓左冇打日記..

今年冇之前幾年咁忙..唔知可唔可以請到26/12..

好想去影燈飾..好想去食聖誕大餐..

近況:

去了2次飲..其中一次仲要幫手打點.屋企好耐冇一齊出動了

買了一本關於攝影既書..近排都好鐘意去書局睇書..

IKEA沙田店裝修完...有冇巴打同我去睇下.."有車者優先"

買左個gregory袋..送比自己既聖誕禮物.呵呵

- 11月25日 -

又放假, 訓到成2點起身...之後出左觀唐..去左Ricoh度..買返GRD III既Ring..因為之前唔見左..

未買返果時...始終有D唔完整既感覺..而家真係睇落都靚仔D..

一個人去左行A.P.M.應該都有2年冇行呢個商場..因為真係幾遠下..先去Food Court食野..

行左陣先諗到食咩..食左個拉麵..個人覺得好一般..

行Log on. 睇到好多Lomo 野..真係有D興趣..有D相真係幾得意.

不過我實在太多相機...一陣去旅行..帶曬咪重到hihi..

去左Muji..出左好多新野for 聖誕..

最後買左1d小物比自己..同埋一顆聖誕樹..

本來想去MK行街..路經德福..走左去IKEA行..

買返一個睇中左幾耐既鏡..同食我最鍾意既煙三文魚..

間間商場都已經整左好多聖誕裝飾..好靚..

好想搵日一次係咁影影影..不過唔通我一個自己影?!

返左屯門G2000.本想拎褲..但因為唔見左張單...要聽日先覆我..

最近見返好多中學同學..真係無處不在..到底意味著D咩?!

呢3年既聖誕..都係公司度過..幾先我先可以好似人地咁放假去玩?!